BMT və digər sivil cəmiyyətlərin çabaları nəticəsində azalsa da qadın sünnəti hələ də can almağa davam edir.

GoldNews.Az xəbər verir ki, bu insanlıqdankənar adət dünyanın geridəqalmış bölgələrində milyonlarla qadının alın yazısı olmuş vəziyyətdədir. 

Bəs, qadın sünnəti nədir?

Qadın sünnətinin digər adı genital mutilasyondur - tibbi olmayan, xüsusilə dini inanclar səbəbi ilə qadınların uşaqlıq yolunun çıxardılması və ya qismən tikilməsidir. Əsasən din adamları və ya bərbərlər tərəfindən həyata keçirilən sünnət qadınlar üçün gələcəkdə ciddi sağlamlıq problemləri yaradır. Belə ki, istifadə olunan ilkin tədbirlər nəticəsində bu dini ayinin sonu əksər vaxtlarda ölümlə bitir.

Qadın sünnəti dünyanın geridəqalmış bölgələrində bütün dəhşətləri ilə tətbiq edilməyə davam edir. 27 Afrika ölkəsindən başqa İndoneziya, İraq, Misir, sudan və Yəmən kimi ölkələrdə bu adət hələ də var. Hətta Misirdə bu prosedur həkim nəzarətində, dövlət nəzarətində həyata keçirilir.

Müsəlman cəmiyyətlər, Afrika yəhudiləri və bölgədəki bir sıra qəbilələrdə görülən bu sünnət bilinən hər hansı dini mətndə yer almır. Buna rəğmən, ailələrin yaşadığı mühitdən kənarlaşdırılmaq qorxusundan hər il milyonlarla qız uşağı bu istismara məruz qalır.

Müxtəlif dinlərə və mədəniyyətlərə ev sahibliyi edən Hindistanda da vəziyyət biraz qarışıqdır. Ölkədəki azlıq etnik qruplarından olan İsmailîlik məzhəbi qadın sünnətini gizlicə tətbiq etmək müvzusunda israrçıdır. Bu məzhəbin sünnət fəaliyyəti təxnən 80 min qadını əlaqədar edir. Bəzi qurbanlar qaçacaq qədrşanslı olsa da digərləri bu ağrını qəbul etmək məcburiyyətində qalırlar.


Ölkədə qadın sünnətinə qarşı aparılan mübarizəni Bohralı qadınlar öz üzərinə götürüb. 2015-cı ildə təşkil olunan QHK "Sahiyo" Bohra xanımlarına bu mübarizədə dəstək olur. Əllərindən gələnin ən yaxşısını etməyə çalışan Hindistanlı qadınların tək istəyə ölkədə bu adətin tezliklə rəsmi surətdə qanundankənar elan edilməsidir.

Qambiyada yaşayarkən uşaq sünnətinə məruz qalan 6 yaşlı Aişə 6 yaşlı bacısı ilə oyun oynayarkən kəndin öndəgedən qadınları tərəfindən sünnət edildiyini açıqlayıb. Bir otağa salındıqdan sonra gözləri və əlləri bağlanan qızlar bir neçə növdə ayin sədaları altında sünnət ediliblər. Daha sonra özü kimi sünnət olunan qızlarının yanına aparılan Aişə 3 ay boyunca vaginasına müxtəlif yarpaqlarda sarıldığını anladıb. Hər şey qurtarandan sonra onu aparmağa gələn anasına "Bunu mənə niyə etdilər?" deyə soruşanda anasından "Biz buyuq, bunu etmələrinə icazə verməsəydim, ləkələnmiş bir insan olaraq qalardın" cavabını alıb.

Aişa onunla birlikdə sünnət edilən 3 qızın daha sonra doğum edərkən qanaxmadan öldüyünü bildirib. Ölümlərinin əsas səbəbi doğum olmayıb. Sünnət zamanı qadın ölümünə səbəb olan əsas məsələlərdən biri də bu "əməliyyatın" qeyri-sanitar şəraitdə olmasıdır.


Sağ qalan qadınlardan olan Yaam necə sünnət edildiyini anasına deyəndə sərt bir reaksiya ilə qarşılaşıb. Ümumiyyətlə, qadın sünnətinə məruz qalan hər kəs susmağa məcbur edilir. Sorğulama istəkləri ən böyük təzyiqlərlə üzləşir və bu adət nəsildən-nəslə ötürülür.

Təəssüflər olsun ki, bu cür amansız hallar Amerika kimi dünyanın super dövlətində də yaşanır. Bir müddət öncə sizə Amerikada yaşayan həkim Dr. Jumana Nagarvala haqqında xəbər vermişdik. Miçiqan əyalətində yaşayan bu qadın ailələrinin istəyi ilə indiyə kimi onlarla qıza gizli sürətdə sünnət edib. Amerikada bu əməl 1996-cı ildən rəsmi surətdə qadağan edilib.

Qadın sünnətinin İslamda yeri haqqında mövqeyini öyənmək üçün ilahiyyatçı Elşad Miriylə əlaqə saxladıq. Elşad Miri bildirdi ki, İslamda yer alan qadın sünnəti haqqında bunları demək olar: "Qadınların sünnət edilməsilə bağlı da bir çox rəvayətlər uydurulmuşdur. Əbu Davudun rəvayətinə görə Peyğəmbərimizin belə dediyi iddia edilmişdir: “Sünnət (xıtan) kişilər üçün sünnə, qadınlar üçün isə fəzilətdir” (Əbu Davud, Ədəb 167). Həmçinin Əbu Davudda qeyd edilən digər rəvayət belədir: “Bir qadın Mədinədə qızları sünnət edirdi. Rəsulullah qadını çağıraraq ona “Dərin kəsmə. Çünki dərin kəsmək qadın üçün daha çox həzz və zövqə səbəb olur, ər üçün isə daha yaxşıdır (Əbu Davud, Ədəb 179, (5271)) deyib göstəriş verdi”. Bəhs edilən rəvayət əsas götürsək, sanki qadın sünnətinə Sonuncu Peyğəmbərimiz tərəfindən də icazə verilib. Bununla yanaşı, iftiranın həddini artıraraq Peyğəmbərimizə dərin kəsilməsə, qadının daha çox zövq alacağı, əri üçün isə daha yaxşı olacağı ilə bağlı izahat verilmişdir. Lakin bilinən həqiqətdir ki, normal klitoru qismən və ya tamamilə kəsmək tibbi baxımdan olduqca zərərlidir və bunun heç bir faydası yoxdur. Dövrümüzdə Misir, Sudan və Somali kimi ölkələrdə hələ də tətbiq edilən qadın sünnətinin qadının ləyaqətini ayaqlar altına atdığı bir həqiqətdir. Bəzən edilən anormal əməliyyatlar səbəbiylə ölümlə və ya sağalması mümkün olmayan mənfi halların ortaya çıxdığını görürük. Bunu inadla etməyə bəzi dairələrin əsas istəyi qadınındaha çox zövq alması deyil, əksinə, zövqalma hissinin tamamilə aradan qalxması və nəticədə zinadan uzaqlaşdırılmasıdır. Bu səbəbdən, bu hərəkət qadına qarşı bir növ cinsi cinayətdir. Mötəbər mənbələri dini əsas kimi qəbul edənlər ya bu iddiaları inkar etməli, ya da qadınların da sünnət edilməsinin vacib olduğunu deyərək bunu öz ailələrindən başlamaqla tətbiq etməlidirlər".