İran ölkədə davam edən etirazlarda Amerikanın rolu olduğunu iddia etdiyinə görə, Birləşmiş Ştatları BMT-yə şikayət edib.

GoldNews.Az xəbər verir ki, İranın BMT-dəki daimi təmsilçisi Gholamali Khoshroo BMT-nin baş katibi Antonio Guterres və BMT Təhlükəsizlik Şurasına göndərdiyi məktubda "Amerika höküməti nümayişlərə dəstək olmaq bəhanəsi ilə mənasız bir şəkildə İranın daxili işlərinə müdaxilə etməsini artırır.  Amerika prezidenti və onun köməkçisi çoxsaylı axmaq sosial media paylaşımları ilə etirazlara təşviq edib".

Amerikanı beynəlxalq hüququ və BMT nizamnaməsinin prinsiplərini pozmaqda günahlandıran Khoshroo Tramp hökümətinin İran ilə bağlı açıqlamalarının qınamasına çağırış edib. Tramp "Korlanmış olan hökümətlərini geri almaq üçün çalışan İran xalqına hörmət edirəm. Zamanı gələndə ABŞ-dan böyük dəstək görəcəksiniz" açıqlamasını edib.

İrandakı hadisələr 28 dekabr 2017-ci ildə Məşhəddə bir qrup etirazçının ölkədəki həyat şəraitinin bahalılığına, işsizlik, korrupsiya kimi problemlərə etiraz etməsi ilə başlayıb. Qısa müddətdə rejimə qarşı göstərişlərə çevrilən etirazlar Tehran, Kirmanşah, Sənəndeç, Zəncan, Şiraz, Qum, Əhvaz, Zahidan, Ərak, Hürrəmabad kimi bir çox şəhərə yayılıb.

İndiyə kimi azı 24 nəfər nümayişlərdə həlak olub. Mindən artıq nəfər isə saxlanılıb.