Moda trendi olduğu və ya sadəcə rahatlığı üçün gündəlik həyatımızdan tutmuş iş prosesində və ziyafətlərdə geyindiyimiz geyimlərin bir qismi artıq bəsitləşməyə doğru gedir.

GoldNews.Az sizə ən qısa zamanda geyinməkdən əl çəkməli olduğunuz 7 libası təqdim edir:

LASİNLƏR

Çox rahat olmasına heç kimin bir şübhəsi yoxdur, amma artıq dünyanın ən dəbdən düşmüş cazibədar geyimlərindən biri olduğunu da qəbul etməliyik. Bu geyim növü standart bədən ölçülərinə malik xanımlarda xoş görünsə də, artıq çəkililərdə öz funksiyasını yerinə yetirməkdə çətinlik çəkir və ortaya heç də xoş olmayan görüntü çıxır.

UGG

Yəqin ki, sosial mediadakı tənqidlərdən sonra hamı əmindir ki, bəylərin xanımlarda ən bəyənmədikləri geyim aksessuarından biri də hamımızın "Ugi" adlandırdığı, əslində isə adı "Aqq" olan ayaqqabılardır. Bu marka bir müddət öncə paytaxtımıza gəlib və hazırda da Ganclik mallda satışlar həyata keçirir. Aqqların hiss etdirdiyi rahatlıq və yumşaqlığa heç kimin bir sözü yoxdur, amma artıq uzun illərdir ki, geyinilən bu geyim növünə görə, ortalıqda "Böyük ayaq" kimi gəzməyin də mənası yoxdur.

Longmap markalı çantalar

Əgər siz də sellofanın super güclü bir moda materialı olduğunu düşünürsünüzsə, deməli, yanılanlardansınız. Yəqin ki, hər kəsin evində Longmap markalı çantalardan bir dənə də olsa, var. Çünki şəhərdə tez-tez görünən bir əlində Starbucks kofe, digər əlində bu çantalardan olan xanımlarımız az deyil, ancaq artıq onların da son istifadə tarixi çatıb.

Həddindən artıq qısa bel şalvarlar

Bu trendi hamımız Cennifer Lopez, Rihanna nümunəsində tanımışıq. Onların füsunkar küçə stillərinin və cəsarətli topiklərinin ayrılmaz parçası olan belə şalvarları hələ də görmək təəssüfləndirici haldır. Çünki belə şalvarların yeri artıq tozlu Vogue səhifələri olmalıdır. Belə geyimlər həm artıq çəkili xanımlarda qurşaq ətrafı zonalarda piyin toplanmasına səbəb olur, həm də vücudunuzu nataraz şəkildə təqdim edir. Yaşandı və bitdi, xanımlar. 

Bantaj geyimlər

Hər ziyafətdə, partidə ən az 4 qızda gördüyümüz bu libaslardan artıq təngə gəlmişik. "Bir həvəsdir, gəldi, keçdi" deyərək ilk iş o geyimləri atmaq olmalıdır. 

Rəngli və ipli qolbaqlar

Əgər orta məktəb düşərgəsindən yenicə qayıtmış 12 yaşlı uşaq deyilsinizsə, o qolbaqları atmalısınız. Yay mövsümündə, çimərlikdə xoş görünə bilər, amma zərif və eleqant geyimlərdə heç də xoş mənzərə deyil.

Yüksək platformalı hündürdabanlar

Təxminən 5 il öncəyə kimi ölkəmizdə bütün gənc qızlar orta məktəbi bitirmək və həmin 10-15 sm aralığında olan hündürdabanları geyinmək həvəsində idilər. "Mən heç vaxt stiletto geyinmərəm" deyənlər də az deyildi, ancaq artıq rok ulduzları kimi şəhərdə gəzməyi qırağa qoyaraq daha zərif ayaqqabıları seçməyin zamanıdır.