23 yaşlı qız aralarında yaranan mübahisə zamanı dörd gün sonra evlənəcəyi nişanlısını öldürüb. Buna səbəb isə oğlanın ona əl qaldırması olub.

GoldNews.Az xəbər verir ki, hadisə İstanbulda baş verib. Evlənməyə hazırlaşan cütlük arasında "Zəngimə niyə cavab vermirsən?" sualı üstündə mübahisə yaranıb. Daha da hiddətlənən Əli Aybərk Kahveci bu mübahisəni həll etmək üçün Ayşənur Yılmazın evinə gedib. Telefonda baş verən dava-dalaş ikili arasında evdə də davam edib.

Aybərk K. nişanlısı Ayşənur Y.-ni təhqir edib və onu döyməyə başlayıb. Mətbəxə qaçan qadın arxasınca gələn nişanlısını stolun üstündən götürdüyü bıçaqla sinəsindən vurub. Ayberq K. bütün müdaxilələrə baxmayaraq, həyatını itirib. Daha sonra Ayşenur Y. qohumu F.A.-ya zəng edərək, ondan hadisə yerini təmizləməsini və bıçağı gizləməsini istəyib, lakin buna nail ola bilməyib və polis tərəfindən həbs olunub. Onu 12 ildən 18 ilə qədər həbs cəzası gözləyir.    

Qeyd edək ki, qadının sosial şəbəkə hesabında paylaşdığı fotolardan nişanlısını çox sevdiyi bəlli olub.