Az əvvəl xəbər verdiyimiz kimi xalq artisti, məşhur aktrisa Amaliya Pənahova dünyasını dəyişib.

A24.Az xalq artistinin ölüm səbəbi barədə rəhbəri olduğu Bələdiyyə Teatrının aktrisası Hüsniyyə Mürvətova ilə əlaqə saxlayıb.

Əməkdar artistin verdiyi məlumata görə Amaliya Pənahova teatrın əməkdaşları ilə son dəfə 15 gün əvvəl görüşüb. “Şanlı vətən” tamaşasının məşqləri zamanı teatra gələn xalq artisti əməkdaşlara uğurlar arzulayıb: “Mən tamaşanın premyerasından sonra Amaliya xanıma zəng etdim. Həmkarlarımızın, tamaşaçıların premyera ilə bağlı fikirlərini onunla bölüşdüm. Amaliya xanım premyerada iştirak etməyi çox istəyirdi. Son dəfə dedi ki, “26 ildə ilk dəfədir ki, premyeraya qatıla bilmədim”. Bu onunla son danışığımız oldu. Uzun müddət idi əziyyət çəkirdi. Amma özümüzü elə aparırdıq ki, guya xəbərimiz yoxdu. Qorxurduq ki, ürəyinə toxunar”.

Qeyd edək ki, Amaliya Pənahova uzun müddətdir xərçəng xəstəliyindən əziyyət çəkdiyi bəlli olub. Xalq artisti xəstəliyi ilə mübarizəsini geniş kütlədən gizləyib.

GoldNews.az