Premyer Liqa komandalarından Arsenal transfer mövsümünün ardınca Məsud Özil ilə yeni müqavilə imzalayıb.

GoldNews.Az xəbər verir ki, transper pəncərəsində Aubameyangı komandasına qatan klub mövsümün sonunda müqaviləsi bitəcək olan Məsud Özil ilə razılığa gəlib. Arsenaldan edilən açıqlamaya görə, ulduz futbolçu ilə 3.5 illik kontrakt imzalayıb. Məsud artıq həftədə 350 min sterlinq qazanacaq. Türk əsilli futbolçu bununla da Arsenal tarixinin ən çox qazanan futbolçusu ünvanına sahib olub. 

Müqavilə imzalandıqdan sonra açıqlama verən Özil bunları deyib: "Karyeramın ən çətin qərarlarından biri oldu. Ürəyimin səsini dinlədim. Burada evimdəki kimiyəm, qarşıdan gələn illərdə daha böyük uğurlar qazanmaq istəyirəm".

Qeyd edək ki, Məsud Özil 2013-cü ildə bu yana Arsenal ilə 182 oyunda forma geyinib və 36 qol, 51 asistlik performans göstərib.