Ekranların sevilən adlarından biri olan Oqtay Kaynarca serialları və canlandırdığı obrazlarla böyük tamaşaçı və pərəstişkara malikdir. Pərəstişkarlarının bir çoxunun Kaynarca haqqında bilmədiyi bir hekayəsi var.  

GoldNews.Az xəbər verir ki, oynadığı seriallar və canlandırdığı obrazlarla ekranların sevilən adlarından olan Oqtay Kaynarca "Kurtlar Vadisi" serialında canlandırdığı "Süleyman Çaxır" xarakteri ilə tamaşaçıların yaddaşına həkk olunub.

Hətta Süleyman Çaxır o qədər sevilib ki, serialda öləndə milli matəm elan edilib, sonra halvalar bişirilib və sonda bu ölüm bəzi tamaşaçının serialı izləməyi buraxmasına səbəb olub.

Pərəstişkarları Oqtay Kaynarca haqqında bir çox şey bilsələr də, onun sirr kimi saxlanmış olduğu hekayəsi var. O, 2009-cu ildə atası Adil Kaynarcanı itirəndə bir çox qəzet və internet saytı bu ağır xəbəri "Məşhur aktyorun atası vəfat etdi" şəklində verib. Çünki hər kəs Adil Kaynarcanı aktyorun atası kimi tanıyıb.

Lakin, Adil Kaynarcanın ölümündən sonra həqiqət ortaya çıxıb. Adil Kaynarca əslində Oqtay Kaynarcanın əmisi olub. Kaynarca uşaqlıqda ana və atası ilə birlikdə Berlində yaşayıb. İstanbulda yaşayan əmisi isə həyat yoldaşını istirahət üçün Almaniyaya, qardaşının yanına göndərib. Yoldaşını təyyarəyə mindirən əmi aktyorun atası Özkan Kaynarcaya zəng edərək hava limanında həyat yoldaşını qarşılamasını istəyib.

Hava limanında gəlinini qarşılayan Özkan Kaynarca dönüş yolunda yol qəzası keçirib. Bu qəzada Oqtay Kaynarcanın həm atası, həm də gəlinləri həyatını itirib. O zamanlar Oqtay Kaynarca hələ beş yaşında olub.

Ailə içərisində böyük kədər yaradan bu hadisədən sonra ailə böyükləri Kaynarcanın anası Nursel Xanım və əmisi Adil Bəyin evlənməsinə qərar veriblər. O zaman yaşı çox kiçik olan aktyor illərlə əmisi Adil Kaynarcanı həqiqi atası bilib və sirri öyrənəndə də həqiqəti qəbul edib.

O, böyük sirrini isə Adil Kaynarcanın ölümündən sonra "Həm atamı, həm əmimi itirdim" deyərək paylaşıb.