Bu gün Ermənistan silahlı qüvvələrinin bölmələri tərəfindən atəşkəs rejiminin kobud surətdə pozulması nəticəsində düşmənlə atışmada Azərbaycan Ordusunun hərbi qulluqçusu əsgər Mənəfov İbrahim Möhsüm oğlu şəhid olub.

GoldNews.az xəbər verir, bu barədə Azərbaycan Müdafiə Nazirliyinin mətbuat xidmətindən məlumat verilib.

Məlumata görə, Mənəfov İbrahim 1995-ci ildə Neftçala rayonunun Bankə qəsəbəsində doğulub.

İ.Mənəfov ali təhsilli olub. O,  2017-ci ilin iyul ayında həqiqi hərbi xidmətə çağırılıb və düşmənlə üz-üzə yerləşən bölmələrdə xidmət edib. 

Azərbaycanın şəhid olan əsgəri sabah Neftçala rayonunda dəfn ediləcək.

GoldNews.Az bildirir ki, şəhid əsgər Milli Aviasiya Akademiyasının məzunu imiş. Mənəfov İbrahimin fotosunu təqdim edirik: