"Qalatasaray" transfer pəncərəsinin bağlanmasına bir gün qalmış ilk transferini yekunlaşdırıb. GoldNews.Az xəbər verir ki, İstanbul klubu yapon sol cinah müdafiəçisi Yuto Naqatomo ilə anlaşıb.
 
32 yaşlı futbolçu "İnter"dən 6 aylıq icarəyə götürülüb. "Qalatasaray" Naqatomonun transfer hüququna sahib olacaq və mövsümün sonunda istəsə onun birdəfəlik transferini rəsmiləşdirəcək.
 
İstanbul klubu 6 aylıq icarə haqqı olaraq "İnter"ə 1 milyon avro ödəyəcək. Transferin yaxın saatlarda rəsmən açıqlanması gözlənilir.
 
Qeyd edək ki, İtaliyanın "Cesena" klubu Naqatomonu 2010-cu ildə Yaponiyanın "Tokiyo" klubundan icarəyə götürüb, 1 il sonra transfer hüqununu 1.6 milyon avroya alıb. 2011-ci ildə "İnter" onu 4.5 milyon avroya transfer edib. Naqatomo cari mövsümdə 13 rəsmi oyunda meydana çıxıb. 2008-ci ildən Yaponiya millisinə çağırılan müdafiəçi 91 oyunda 3 qol vurub.//Fanat.Az