Barcelonanın mərkəz futbolçu katalon klubunda xoşbəxt olmadığını bildirib.

GoldNews.Az xəbər verir ki, 2016-cı ilin yay aylarında Valensiadan 35 milyon avro qarşılığında Barselonaya transfer olan ispan futbolçu Andre Qomesin komandanın ən önəmli oyunçularından biri olacağı gözlənilirdi, ancaq Andre göstərdiyi performansı ilə bütün ümidləri puç edib.

Barselonadakı vəziyyəti ilə bağlı danışan 24 yaşlı futbolçu "Meydanda özümü yaxşı hiss etmirəm, görməyi sevdiyim işdən zövq ala bilmirəm. İlk altı ayda hər şey çox yaxşı idi amma sonrasında hər şey dəyişdi. Bəlkə doğru kəlmə bu deyil amma altıncı aydan sonra həyat cəhənnəmə döndü. Daha çox təzyiq hiss etməyə başladım. Oyunlarda özümü yaxşı hiss etmirdim" deyib.

Andre məşqlər zamanı rahat olduğunu bildirib: "Məşqlərdə rahatam. Komanda yoldaşlarımla özümü yaxşı hiss edirəm. Özümü yaxşı duyduğum anlar var və bu vəziyyət məşqlərdə olur. Bəlkə bir gün öncə oynadım amma hələ də matçı düşünürəm və bu vəziyyət irəliyə getməyimə mane olur".