Gürcüstanın keçmiş dövlət başçısı Mixail Saakaşvili Putin haqqında sərt danışıb.

GoldNews.Az xəbər verir ki, Gürcüstanda müxalif Birləşmiş Beynəlxalq Hərəkatın qurucusu, keçmiş prezident Saakaşvili "Rustavi 2" telekanalına müsahibə verib.

Haqqında qəbul edilən qiyabi həbs qərarına görə, ölkəsinə dönə bilməyən Saakaşvili həm Ukrayna, həm də Gürcüstanda yayılan iddiaların əsilsiz olduğunu müdafiə edib. O əlavə edib ki, bütün söz-söhbətlər onun siyasi fəaliyyətini məhdudlaşdırmaq üçün edilir.

Saakaşvili Rusiyanın Ukrayna və Gürcüstanın torpaqlarını işğal etdiyini xatırladaraq, bu iki ölkənin ərazi bütövlüyü problemlərini həll etmək üçün sonuna qədər çalışacağını bildirib: "Gürcüstan, Abxaziya və digər torpaqları geri almadan, keçmiş inkişaf sürətinə çatmadan, Putin məğlub olmadan mübarizəmdən əl çəkməyəcəyəm".

Qeyd edək ki, hazırda Ukraynada olan Saakaşvili 2015-ci ildən bu ölkənin vətəndaşıdır. O, Odessa qubernatorluğunda vəzifəyə gətirilib. 2016-cı ildə tutduğu vəzifədən istefa verən Saakaşvili Yeni Güclər Hərəkatı Partiyasını quraraq müxalifətə keçib. Saakaşvili 2017-ci ildə Ukrayna vətəndaşlığından çıxıb.