Paraqvayın 1-ci liqa komandalarından Rubio Nu de Luque qalmaqallı bir hadisə ilə gündəmə gəlib.

GoldNews.Az xəbər verir ki, klub prezidenti Antonio Qonzales ilə futbolçu Bernardo Qabriel Kaballeronun münasibəti mediaya sızdırılan fotoların ardınca ortaya çıxıb. Yataqda çəkilən və yayımlandıqdan sonra ölkə gündəminə gələn hadisə böyük bir qalmaqalın yaranmasına səbəb olub. 

Bundan sonra klub prezidenti Antonio Facebook hesabından açıqlama yayımlayıb.

Kamera qarşısına keçən Qonzales futbolçu ilə arasında bir münasibətin olduğunu qəbul edib. O bildirib ki, onların yatağa girməsinin səbəbi Qabrielin başqa klublarla görüşməsinin ardınca futbolçunu komandada saxlamaq istəyi olub. Prezident bildirib ki, futbolçu ilə münasibətləri 2 ildir ki, davam edir. Qonzales kameralar qarşısında Bernardonun müqaviləsini cırıb.

Klub rəhbəri həmçinin bunları da bildirib: "Bir kişi bir qadından min qat daha qısqancdır və o məni bir müddətdir ki, təhdid edir. O arzulaya bilməyəcəyi qədər pul xərcləyib. Özünə Mercedes, Land Cruiser, Prado, Hilux markalı avtomobillər alıb".