"Messenger Kids" - adından da göründüyü kimi, uşaqlar üçün yaradılan proqramdır. Qeydiyyatdan keçmək üçün valideyn nəzarəti şərtdir.

GoldNews.Az xəbər verir ki, 2 milyarddan artıq istifadəçisi olan "Facebook" inkişaf etdirdiyi yeni funksiyalarını hər yaşdan istifadəçilərə çatdırmaq istəyir. Bu dəfə mərkəz nöqtəsində 6-11 yaş arası uşaq istifadəçilər var. Bildiyiniz kimi, bu yaşda uşaqlar öyrənmək üçün daha münasib olurlar. Bu düşüncə ilə hərəkət edən "Facebook" da yeni proqramı olan "Messenger Kids"i yaradıb.

İlk növbədə valideynlər öz telefon nömrələrini istifadə edərək bu hesabın açılmasına razılıq verəcək, sonra da uşaqlar bu hesab üzərindən ailə üzvləri və dostları ilə etibarlı söhbətlər aparacaq.

"Facebook" şirkətindən verilən açıqlamaya görə, bu proqramda yalnız uşaqlar üçün nəzərdə tutulmuş, onların söhbət anlarını daha əyləncəli hala gətirəcək rəngli smayliklər və kamera filtrləri olacaq.

Proqram artıq təqdim olunub. Yaxın zamanda Android və Amazon Kindle istifadəçiləri üçün də nəşr olunacaq.