Yanvarın 20-də Türkiyə Silahlı Qüvvələrinin Suriyanın Afrin bölgəsində PYD, YPG və İŞİD terrorçularına qarşı başladığı əməliyyatdan hərbçilərin Qarabağ mesajı verdikləri foto yayılıb.

GoldNews.Az-ın məlumatına görə, fotodan da aydın görünür ki, qardaş ölkənin Ordusunun terrorçulara atdıqları raket mərmilərinin üzərində "Azərbaycan- Qarabağ"

 yazılıb.

Foto qısa müddət ərzində minlərlə insan tərəfindən paylaşılıb və Azərbaycan cəmiyyəti tərəfindən böyük rəğbət görüb.

Qeyd edək ki, "Zeytun budağı" adı altında keçirilən əməliyyatlara artıq Türkiyə Hərbi Hava Qüvvələrinin "F-16" təyyarələri də cəlb olunub.

Əməliyyatı çərçivəsində 557 terrorçu məhv edilib.

Bu barədə Türkiyə Baş Qərargahının bəyanatında bildirilir.

Bəyanatda deyilir: "Türkiyə HHQ "Zeytun budağı" əməliyyatı zamanı 20 hədəfi vurub - PYD, YPG və İŞİD-in sığınacaqları, atəş nöqtələri, silah anbarları. Əməliyyatda 13 təyyarə iştirak edib və sağ-salamat bazaya qayıdıblar. Gün ərzində 73 terrorçu, əməliyyat başlayandan - 557 terrorçu məhv edilib. İki hərbçi yaralanıb. Onların həyatı üçün təhlükə yoxdur".