Tütün və tütün məhsullarının zərərlərindən yazmaq əvəzinə, sizə daha çox psixoloji təsirlərindən bəhs etmək istəyirik.

GoldNews.Az xəbər verir ki, bu vərdişi öncə beyninizdə bitirməlisiniz. Əksər insanlar apteklərdən aldıqları nikotinli saqqızların işə yaradığını deyir. Hətta bəziləri elektron siqaretlərlə vəziyyəti nəzarət altına almağa çalışırlar. Bütün bunlar sadəcə maliyyə düşkünlüyü olan insanların arsız oyunlarıdır. Siqareti tərgitmək istəyirsinizsə, öncə buna özünüzü inandırmalısınız. 

Qərarlı olun. İlk mərhələdə etməli olduğunuz sadəcə budur. Özünüzə "siqareti tərgitdim" deyin.

İkinci mərhələdə çəkdiyiniz siqaretin miqdarını azaltmağa çalışın. Gündə iki paket çəkirsinizsə, bir paketə, yarım paketə, 10 dənəyə qədər endirsəniz, bu vərdişi tərgitmək bədəniniz və sizin üçün çətin olmaz.

Siqaret əvəzinə meyvə yeyin. Siqareti yavaş-yavaş azaltsanız da, arada yadınıza düşə bilər. Bu zaman onun yerinə meyvəli yoqurt, meyvə kimi qidalar qəbul edin. Əmin olun ki, bu vərdişi ağlınızdan çıxarsanız, bir də ona dönməyəcəksiniz. Həmin nikotinli saqqızlara, elektron siqaretlərə möhtac yaşamayacaqsınız.

Əgər heç birini edə bilmirsinizsə, Səhiyyə Nazirliyinə müraciət edin və müalicə almağa çalışın. Unutmayın ki, hər çəkdiyiniz tüstü sizi sevdiklərinizdən bir dəqiqə də ayırır.