Amerika və İngiltərə ilə birlikdə Suriyada bəzi obyektləri hədəf alan hərbi əməliyyatın uğurla nəticələndiyini söyləyən Fransa prezidenti Emmanuel Makron yerli televiziya kanalına danışıb.

GoldNews.Az xəbər verir ki, Fransanın dövlət başçısı bütün dünyanı silkələyən hərbi əməliyyatla bağlı "Amerika prezidenti Donald Trampı Suriyada qalmalı olduğu mövzusunda razı saldıq" deyə bildirib. Bu fikirlərin ardınca Ağ Evdən bəyanat gəlib. ABŞ sarayının mətbuat katibi Sarah Sanders Suriyadakı amerikalı əsgərlərin evlərinə dönəcəkləri ilə bağlı qərarlarından danışıb: "Amerikanın Suriyadakı missiyası dəyişmədi. Prezident Tramp ABŞ qüvvələrinin mövcud ən qısa zamanda evə dönmələrini istədiyi mövzsunda çox açıq danışdı". 

Sanders Fransa prezidentinin açıqlamalarında sonra yayımlanan yazılı açıqlamasında bunları bildirib: "Suriyada olmağımızın səbəbi İŞİD ilə mübarizədir. İŞİD-i tamamilə əzmək və geri dönüşünü əngəlləyəcək şərait yaratmaqda qərarlıyıq. Həmçinin regonal müttəfiq və ortaqlarımızın regionu təhlükəsiz saxlamaları üçün hər hərbi, həm də maliyyə cəhətdən daha çox məsuliyyət almalarını gözləyirik".

Qeyd edək ki, Fransa prezidenti Makron dünən verdiyi açıqlamada Trampı Suriyada qalmaq mövzusunda razı saldığını bildirib: "Hədəfim ən azından rusları və türkləri bu müzakirə masasına oturtmağı bacarmaqdır".