Azərbaycanda deputat təmsil etdiyi rayonun sakininin şikayətinə qeyri-adi şəkildə cavab verib.

GoldNews.az xəbər verir ki, millət vəkili seçildiyi rayondan olan xanım vətəndaşı Facebook hesabında əngəlləyib. Buna səbəb isə qadının öz yaşadığı bölgədəki yol problemini ictimailəşdirməsi olub. Millət vəkili problemin həlli ilə bağlı bir məlumat verməkdənsə, xanımı əngəlləməklə kifayətlənib.

Bu barədə jurnalist Azər Həsrət öz şəxsi Facebook hesabında məlumat verib.

"Deputatın biri "Facebook"dakı xanım dostlarından birini əngəlləyib. Səbəb utandırıcıdır. Xanım öz şəhərlərindəki yol problemini ictimailəşdirib, öz deputatını da bu məsələdən xəbərdar edib ki, bəlkə hərəkətə keçə. Gözünə döndüyüm zənbillə göydən düşmüş deputat da götürüb xanımı bloklayıb. İndi buna nə ad verəsən? Ay deputat adam, problemi həll edə bilirsən, ya bilmirsən, başqa məsələdir. Amma adam balası kimi münasibət bildir, dinlə, öyrən, nəsə etməyə heç olmasa cəhd elə də. Sonra da deyirik ki, ictimai narazılıq hardan qaynaqlanır. Belə "deputat"ların üzündən qaynaqlanır da, hardan olacaq?".

Jurnalist onu da qeyd edib ki, əgər həmin millət vəkili məsələni nəzarətə götürüb, həll eləməsə, onun kimliyini açıqlayacaq.